RFID POÇTDA

Bildiyimiz kimi RFID məlumatın yaxın məsafədən məlumatın ötürülməsi texnologiyasıdır.

RFID sistemi nişandan və oxuyucudan ibarətdir. Oxuyucu radiosiqnalı yayır, nişan isə ona daxil edilmiş məlumatları qaytarır.
Oxuyucunun gücü nə qədər çox olsa, o qədər uzaq məsafədən o nişanları oxuya bilər. Nişanlar eyni zamanda oxunurlar.

Perspektivdə poçt belə nişanların və onların emalının vahid sistemindən istifadə etməklə nə əldə edir?
- Poçt torbalarının içindəkilərə nəzarət;
- Göndərişlərin hərəkətinin real vaxtda izlənməsi.

Poçtda yerləşdirilən terminalın köməyi ilə nişanın unikal nömrəsilə bir göndərişin nömrəsini tapmaq olar. Sonra məktub RFID ilə təchiz olunmuş poçt qutusuna düşür. Göndərilmənin hər mərhələsində göndərişin nömrəsi oxunur və bazaya daxil edilir. Göndərən şəxs öz göndərişinin nömrəsini bilərək onun hərəkətini istənilən zaman izləyə bilir.